佳佳唱片

新進男子組合Charcoal月中將推出首張EP《going to the Private Party》，他們坦言是夢想成真：「我哋出道未夠一年就可以出碟同埋開迷你音樂會，之前咁辛苦秘密訓練三年都值得！」Charcoal希望予樂迷正能量的訊息，這些年來五子遇到很多難關及轉變，但他們不會逃避，隊長Nick謂：「我哋初初做訪問，根本唔識要講咩，又試過出騷嗰陣甩舞，我哋成日諗每次演出都係得一次，仲要唔知道台下嘅人鍾唔鍾意你，所以跳錯會好唔開心，但係我哋知道唔可以怨，所以少啲正能量都唔會有今日嘅Charcoal！」

　　他們笑言幸好有五位成員，就算有人心情低落，隊友之間亦可以互相支持，Charcoal直言亦有嗌交的時候，成員C.Wa說：「有嗌交仲好，代表我哋有火，大家會指出對方嘅錯誤都係為件事好啫！」